1月18日 14:22
恒指今日先開升24點之後，上上落落，上半場低位見過15183點，再創N個月來新低；不過似乎呢個15000點位置都有啲錢肯去買下貨，撐撐下，撐到指數半日升返97點，報15374點，高位仲上過15411點添。
今朝無揀過貨，主要原因係未搞清楚指數想走去邊。在理，以點數計指數點都係靠近下方牛證街貨層；在情，噚日跌完600點，一下插咗落去，點秤今日都應該要彈返高少少，正所謂吊頸都未抖啖氣。亦可能因為咁，如前文所指，恒指再創年內新低後就見回彈上去15400點附近。
噚日喺【輪證下半Part】都有提及過，大插過後嘅一段短時間回升，千祈唔好話係轉勢，最多都只可以話佢出現技術反彈，事關一路落嚟都真係有唔少人、唔少錢，以為18000點係低位入咗場，點知整個16000點你嘆；隨時噚日15000點附近都再有一批資金湧入，覺得成功摸底。之前升得叫做有文有路，可能都係睇住今年美聯儲出減息有關，但又未知人哋幾時減、減幾多次，再加上上面啲街貨...美團(03690)105元同125元、騰訊320元、京東(09618)130元等等呢啲咁嘅揮手區，求求其其都數到幾個。
心態上以出淡倉為主，只不過係仲未搵到位可以落得到場；快嘅借返五分鐘圖行Slow STC(14.3)出swing可以，但如果要啲時間想揸一陣嘅，都真係未見位。短至去到小時圖都要等睇10線係咪唔過先有得再出。
依家1點11分，目前市場上最貼價熊同現價有800幾點距離，證價貴唔在講，搵啲街貨無咁高嘅先好落手。
繼續呷茶等收工。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
