1月19日 14:03
今朝出文嗰時見指數向住小時圖嘅中軸出發，正在盤算緊佢過唔過線之前，先揀定隻恒指牛(57554)同恒指熊(66772)做定兩手準備；正所謂機會係留比有準備嘅人。
按今朝10點14分出文之後，如常用10分鐘作為睇文時間，即喺10點24分再睇返個市，先睇五分鐘圖見指數已經由之前嘅高位15540點向下回落到中軸水平，而呢口價亦都保持低於小時圖嘅20線，所以喺唔過中軸線嘅揀選之下，(66772)可以優先出場。
如常的用10分鐘作為買入時間的話，即10點25分至10點35分期內出動，以(66772)期內高低位做過0.049元/0.045元，平均買入價為0.047元。
落場後見指數喺五分鐘圖嘅中軸淆咗一陣就向下再落，小時圖都可以慳返唔駛睇，估到估到佢同中軸線愈嚟愈遠。及至中午收市，恒指倒跌30點，報15631點，而以中午小時圖見，10線為15379點，點數計指數已經連10線都無埋。
午後開市見指數率先爬返上小時圖10線以上水平，而同時由於20線本身都係向下嘅，所以依家1點3分見小時圖20線向下回到去15487點。Anyway，Keep住借小時圖唔過20線而hold住(66772)係可以嘅，只係要留意嘅係目前小時圖上嘅Slow STC(14.3)係未見向下掉頭，同埋今日係星期五，如果過夜嘅話係要過兩日架。
再睇埋隻(66772)，喺1點5分時見佢證價做緊0.052元，同平均買入價比，平均買有五格落袋，執唔執就真係隨得你啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
