2026年9月11日
美國公布通脹報告前，10年期債息周四突破4.9厘，美伊局勢升溫，刺激紐約期油及布蘭特期油分別升穿每桶100美元及105美元關口，創5月以來高位，美股周四三大指數下跌，道指周二及周三累瀉逾千點，周四跌勢未止，道指低開88點後，跌幅擴大至最多417點，低見51962，收市跌316點或0.6%，報52064；連跌四日；標指跌44點或0.58%，報收7591；納指跌171點或0.65%，報26081。
重磅股中，NVDA股價挫2.3%；蘋果公司推出折叠屏幕手機，有消息指iPhone Duo未開售已喺內地引發熱潮，其中京東(09618)自營旗艦店已有超過56萬人預約iPhone Duo，內地代購者平均要求加價約5000元人民幣，刺激蘋果股價逆市回升3.6%，為升幅最大道指成份股；IBM跌2.5%，為表現最差道指成份股。不過唔少科技股份都係一開市就持續向下，DELL又急得滯，買咗542嘅貨，見有522同518就加多注，加注後一度彈返去525，以為條5MA守到，結果企唔到520，連個日線神奇九轉都消失埋，阿Man都忍痛518止蝕咗先算，盤後股價穿埋510，或者有機會回踩返10MA，即係490附近先再考慮上返車。
其他晶片股受壓，INTC急挫5.6%，又跌返穿100關，幾條平均線喺94-100之間，暫時觀察住先。MU倒退4.9%，噚晚又係望住條5MA，992買咗一注，見唔對，982打咗先，再擺返10MA同20MA分別970同960兩個買盤，結果中咗970買盤，夜期上返980左右，睇下今晚有冇反彈上去1000樓上就穩陣少少，防守睇住50MA，大約係930。ALAB買咗半注295，噚晚加注285，暫時均價290，收市284.53又坐咗艇，盤後未上返290-295，今晚上唔返295，或者搵位走人算。。
美國10年期債息一度抽升12.9個基點，報4.966厘，對息口較敏感嘅2年期債息跳升14.6個基點，至4.573厘，交易員押注聯儲局下周加息機會約70%。沙特阿拉伯8月份產油量急降至1990年以來低位，紐約期油一度炒高7.32%，至最高103.08美元，收市報102.48美元仍漲6.69%。布蘭特期油抽升6.34%，收報107.63美元。摩根士丹利策略員Michael Wilson建議，擔心利率及油價上漲嘅投資者，應側重持有高質美股，並以能源為投資組合進行對沖，同時避開30年期國債。標指仍擁有全球最多優質股嘅市場，本土能源生產亦令美國免於像歐洲及日本受到能源供應衝擊。宏觀風險方面，佢認為，成品油較原油價格上升構成即時擔憂，估計市場需要30日嚟消化今次油價衝擊，之後情況可能會回復正常。
美國公布8月份生產物價指數(PPI)按年升幅從7月修訂後的4.8%，加快至5.4%，稍多過預期增長5.3%，按月加速至0.4%，符合原先估計，期內核心PPI按年升幅由7月的4.3%加速至4.6%，與估算一致，按月增加0.2%，低過7月及預期的0.3%增幅。預期較高嘅數字，令市場預計加息機會增至七成。今晚再出埋CPI就知究竟下星期加息機會有機大。NQ分水嶺29150，支持29050/28950/28850-28800，上方阻力29250/29350/29450-29500。
港股連跌四個交易日，昨日恒生指數低開289點後，一度跌385點至24889全日低位，收市報24954，險守5月線24894及20月線24935，但日線圖已跌至部平均線之下，成交額1988億元，成交持續萎縮。至夜期時段，美股三大指數下跌，拖累夜期及ADR持續下跌，夜期跌至24700水平收市，今早黑期亦跌至24700水平徘徊，今早恒指裂口低開236點，報24718，早段最多跌384點，低見24570，其後跌勢喘定，跌幅逐步收窄，跌幅曾收窄至192點，高見24762，似乎恒指喺24600附近有初步支持。恒指中午收報24742，跌211點或0.85%。大市半日成交1188.33億元，北水淨流入22.99億元。北水連續流入五個交易日，但成交仍然淡靜，成交愈玩愈縮，開始有少少陰乾回落咁嘅款。
港股昨日裂口低開，噚日恒指已遺下25161至25021下跌裂口，今日再以裂口低開，雖然午後反彈多咗啲，但上唔返噚日低位24889，又走多個裂口出嚟，如短期內無法回補裂口，料港股將持向下。今早暫時喺24500至24600有初步支持，失守嘅話將進一步往24000-24200水平尋找支持。港股落到25000樓下，都未見成交放量，即係除咗北水之外，其他資金仍將港股視作提款機，沽出港股套現，加上美債息高企，美伊戰事沒完沒了，油價創幾個月高位，不利環球股市發展。留意美國今晚公布另一個重要通脹數據，而交易員押注聯儲局下周加息機會約70%，一旦下周FOMC議息調高利率，料為股市帶來另一波衝擊。
麥狄文
(徐狄怡‧證監會持牌人)
