今日 10:41

【輪證贏家】出恒指牛有條件

噚日揀咗隻恒指牛(60292)嚟，高槓桿諗住爬下格仔，所以近近地用返小時圖150線到多一次就算。

睇返朝早小時圖走勢，以上半場計係會有三粒燭喺小時圖上出現，咁啱呢三粒燭嘅上影線都有去到150線就回，呢條線真係...有啲料...所以下半場作戰室全程淡倉應戰，部分戰友有淡倉過夜，因為今朝指數開之市後五分鐘都無已經跌400幾點，落到去25496點低位，將牛證首五層街貨吃清之後，似乎比返個低開高走嘅格局出嚟，又係偷位捉轉角爬格仔嘅時間。

10點未到反手好倉都做埋，作戰室就係咁，一係趕到爆，一係等埋位Hea時吹水吹到上太空。

10點打後指數有似行定咗嘅，小時圖第一粒出個「錘頭」出嚟+Slow STC(14.3)觸底上，都無乜嘢好諗啦，實諗住放隻恒指牛(58140)出去架，收回價25278點，同現價有約400點距離，約48.5倍槓桿夠做Day Trade啦，係咪先。

但依家10點9分喺五分鐘圖上見，之前25712點出咗平頂之後，10線都向下壓到過嚟，出好倉怕嘅係25700呢個位變咗日內阻力線，定住唔郁都無用，過多陣20線向下再壓到過嚟時，佢都過唔到線嘅話就頭痕。

希望出完文再到你睇完之後，指數可以企得返上10線之上，唔係依家呢啲尷尷尬尬嘅位啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。