今日 10:45

【輪證贏家】高槓桿恒牛爬格仔

噚日揀咗隻恒指熊(61983)出嚟，mark住指數於小時圖上再次唔過100/10線先至出。

但尷尬啦，指數之後處於小時圖嘅10/100線間，又大部份時間喺26000點上上落落，卡住呢啲關口位都係等方向再明顯啲先至追啦。

午後，指數向上大步走，小時圖10/100線確認重奪，(61983)可以慳返。不過，去到2點打後有見指數一度升過26200點後向下回落，整點數未過固然要mark住啦，連小時圖嘅中軸線都未過，仲要去到3點打後都仲係見到指數擺位低於中軸線喎，但慘就慘在指數兜返上去又靠近返啲熊證街貨，呢期走向有啲無菱兩可，實在難搞。

但係咁，技術分析VS街貨呢啲情況間中都會發生，而根據(我自己)嘅印象，街貨十次都有八次係贏嘅，早幾日又係咁，今日都係一樣，所以喺作戰室裡面，過咗今朝開市後首五分鐘「海盜船」出「陀螺」之後，都以好倉作今日第一注，追到上26300點前見五分鐘圖比咗個平頂出嚟，爬格仔好倉即刻四散。

喺呀，作戰室玩一注隨時半個鐘都唔駛(睇市況啦)，仲有5分鐘先至到10點，大家吹咗一陣無謂水之後等到10點有見指數向下坐返住小時圖嘅中軸線，擺位上都尚算叫做仲喺條線上面嘅，同時Slow STC(14.3)兩線都仲係向上。唯一要留意嘅係，小時圖頭頂都仲有一條150線喺度。

見呢期波幅都唔係特別大，搵隻高少少槓桿嘅恒指牛(60292)嚟爬下格仔，收回價見25900點，槓桿有約61倍，所以下方量度線Set緊啲用26200點，比返100點自己做走盞走(唔係下下要去到打靶嗰一刻先要起身走嘅)。

上望就...26300點嗰堆熊證街貨食到最好啦，但近嘅小時圖150線到多一次，配咁高槓桿乜都夠數啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。