9月4日 10:45

【輪證贏家】順街貨方向再出恒指熊

噚日揀咗隻恒指熊出嚟，用返五分鐘圖Slow STC(14.3)做Swing Trade的話，咁就乖乖地等返佢上返去超買位先至有位出。

等咗一個上半場都未見Slow STC(14.3)返去超買位，但如果見指數係咁落而追咗淡倉出去嘅，之後見指數向下入返牛證街貨層，半場未完已經向下殺返兩層牛，咁不論係噚日揀嘅恒指熊或者係其他淡倉，都應該肥到無頸。(由於呢一注未見到恒指熊有響超入貨訊號，所以月尾嘅【月度報告】不會計算在內)

如果要等到五分鐘圖Slow STC(14.3)做觸頂向下Swing Trade的話，應該係今朝指數高開後見低走時掟出淡倉，作戰室就係咁玩，依家9點39分，爬格仔嘅應該都有100點位。

到差不多10點，指數已經轉咗燈見紅，作戰室再追/再hold/過夜注淡倉乜嘢款式都有，通常大家正數緊嘅我只會提一句：見好就收。

小時圖上見今朝指數開市同中軸線爭1點位，算是重疊，但支陰燭大到呢...小心 Slow STC(14.3)兩線已經開始有出超賣再超賣嘅樣，再加上10點後保歷加通道口有見收窄，即市爬格仔淡倉都先走人。

依家10點4分，五分鐘至小時圖嘅Slow STC(14.3)都落到超賣位兼有觸底樣，再疊加25300點暫時都守得幾穩，但真心危險嘅，因為25200至25299點坐位1302張期指街貨。

3分鐘之後指數都將呢層街貨食咗一半，呢層都應該認碎牛粥。向下再落嘅話咁連日線圖嘅20線都會無埋，不過街貨又真係多喎。

恒指熊(54625)，收回價25688點，同現價有400點距離，槓桿月約50.6倍，呢注淡倉唔硬追，因為五分鐘至小時圖嘅Slow STC(14.3)都真係落到超賣位兼有觸底情況，所以安全嘅等Slow STC(14.3)喺超買位見觸頂向下先出淡倉，進取嘅或者五分鐘圖上見平均線遇阻的話，順街貨方向就掟出去啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。