9月3日 10:57

【輪證贏家】閱完兵出恒指熊

噚日揀咗隻恒指牛(53807)出嚟，借用五分鐘圖嘅Slow STC(14.3)做Swing的話，喺噚日嘅上晝11點15分見Slow STC(14.3)兩線已經低於20以下超賣位，(53807)符合出場條件。

喺噚日下半場2點幾嘅時侯有見Slow STC(14.3)上到80以上嘅超買位。如果呢個位走(53807)嘅話，計過平均走貨價同平均買入價都係一樣，選擇繼續守嘅話就即係守過夜。

今朝指數裂口百幾點上行之後再推高至25789點，如果隻(53807)過咗夜就真係食得。再望望個牛熊證街貨圖，本身指數喺企住下方第一層牛證街貨，但咁樣一彈變返向上踩住第一層熊證街貨。

向來我都會開返個恒指熊嘅List出嚟，數吓喺嗰一層熊證範圍裏面，收回價最大係幾多，話就話一層街貨嘅範圍係去到99尾(例如今日最貼價係25700至25799點)但其實未必要上到25800點先至叫做成層食晒，例如今日嘅呢層裏面最大收回價只係25788點，所以今朝嘅25789點已經等於將成層25700至25799點嘅熊收回。

不過依家唔駛數啦，因為已經有新嘅街貨圖幫我數埋，仲要按住成層範圍嘅比例而灰咗條棒棒，對住街貨玩牛熊嘅，呢個圖真係腦輕鬆。

依家10點7分，嗱，9點閱兵閱70分鐘，即係差唔多閱完啦，指數已經行咗高開低走嘅路線圖出嚟，喺小時圖上面有見指數高位25789後留意勁長上影線，少少有似「射擊之星」但燭身有少少肥。

Any肥，作戰室淡倉有出到依家連小時圖10線都過埋，一度有轉紅燈危機但25500點好似守得好穩。

的確依家就喺25500點位浮沉中，而今朝嘅開市裂口指數都已經補咗，所以依家指數向返下面牛證方向走。

恒指熊(58515)，收回價26000點，同現價有約330點距離，槓桿約57倍夠做Day Trade，迫到上25700點樓上都閃啦。

用返五分鐘圖Slow STC(14.3)做Swing Trade的話，咁就乖乖地等返佢上返去超買位先啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室