昨日 14:12

【輪證下半Part】恒指熊有格請起筷！

今朝揀咗隻恒指熊(63937)出嚟，原因係指數企住近牛而且牛證街貨又咁多，所以計劃借小時圖50線唔過而出淡倉，博指數向下殺多街貨牛。

以今朝Patreon出文時間10點15分，如常的用10分鐘時間去睇文的話，則於10點25分再睇返個走勢圖，見指數於小時圖已Update兼繼續低走於50線以下水平，(63937)係符合出倉條件。

如常的用10分鐘作為買貨時間的話，期內(63937)高低位做過0.05元/0.043元，平均買入價為0.0465元。

其後指數都有見向下再落，半場低位見19804點，隨後指數稍為回上但至依家1點27分，見指數仍然處於5分鐘圖嘅保歷加下降通道，數住格仔收工嘅同時，Lock住中軸線作上方量度線可以嘅，皆因喺下半場見小時圖，10線都向下穿過咗50線囉，同時10線依家擺位見19981點，同依家嘅距離都比較遠，講真年尾流流你睇中環嗰班都應該放晒假可能已經去緊旅行，作戰室今日都係數住格仔倉糊，不然用5分鐘圖10/20線作止蝕位都可以。

繼續滙控(00005)嘅滙豐牛(61423)，見滙控半日收報74.65元，仍然處於10線以上水平，再睇(61423)證價見0.043元，較上週平均買入價...嘿...多一格，不過已經想換馬，皆因見到隻中軸動(00941)行緊「大圓底」；反正上面隻(63937)亦咗(61423)條數，咁(61423)又唔係輸嘅，打個和啫。

中移點玩？明日續(想比多半日時間等睇位)。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar