12月10日 13:20

【輪證下半Part】留意日線「圓底」生成

今朝揀咗一對牛熊出嚟，皆因指數今朝高開低走之後，喺大約205至207呢個範圍內游走，200點嘅Swing Trade幅度唔錯架(比起之前悶市嚟講)，由於係做Swing嘅關係，所以恒指牛(62999)+恒指熊(54950)Pick咗出嚟，借Slow STC(14.3)觸頂/觸底咁Swing Trade住玩就得啦。

「恒指已經重上20000點樓上，恒指喺年尾係咪都可以睇返好啲呀？」係囉呵，唔計指數由最痴線位，即2018年嘅33484點，用最後一次見到「3」字頭即係2021年2月嘅高位31183點，恒指根本就係以一浪低於一浪嘅姿態向下運行至10月初時高位23241點，終於都叫做打破呢個「一浪低於一浪」嘅格局。如果，呢keep住打破呢個格局嘅同時，逆轉返條恒指嘅話，咁指數要比一個「一浪高於一浪」嘅走勢出嚟。

要指數無情白事上過23241點的確係有啲古怪(唔難架，只要有人出多幾編有內容嘅新聞就得架啦，但問題係上得有幾怪之嘛)。

拉返近少少，睇返呢幾個月嘅日線圖，指數今日裂口高開之後，裂口水平同11月11日嘅20505點至20705點相約，不過截至半日計，恒指低位做過20520點，爭15點叫做完全補呢個裂口，實數計你可以仲話仲有15點嘅，但擺位計呢15點都唔係算得啲乜；反而關鍵在於今日高位21070點同裂口前嘅高位21355點，兩者距離雖然爭63點，不過喺形態上有似「圓底」生成但唔過頸線，還好下方仲有50線係比較近，有望接住指數。

換保歷加通道見通道口仍然拓闊中，Slow STC(14.3)有條件出超買再超買，不過時近年尾又大家都知道噚日3點半打後抽升係因為咩事啦，安全啲、保守啲，無人話有問題嘅。

借日線圖嚟出好倉嘅話，咁就係博「圓底」頸線可以上破得到；同步Mark住日線嘅50線先，稍等指數回到落50線唞氣再上嘅話，更係比較理想啦，話晒都叫做放一放鬆返條Slow STC(14.3)再博上去，空間都有多啲啦。

Keep住玩Day trade嘅話，見今日指數用咗半個鐘高開後低走，再用兩個鐘橫行都知佢咩料，會唔會又好似噚日咁，臨收市前半個鐘忽然出方向仲有大大力？嗱，呢啲消息嘢就不屬於技術分析之列啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar