今日 10:44
噚日寫文時見指數頂住23500位唔上唔落咁，於是走咗去睇個股，見到今日車股都醒神，所以揀咗隻比亞迪(01211)出嚟，見日線圖好似想企返上條中軸線以上咁，於是搵隻貼價少少嘅比迪牛(63669)，睇吓有無得做一趟Day Trade。
做就做到，不過證價唔就，所以最後都只係打和。
今朝見恒指低開落返去，五分鐘圖上亦都有見Slow STC(14.3)喺超買位向下，拉到咁高嘅一個位嚟出觸頂，喺作戰室擺定個淡倉Plan出嚟。
好景雖然係不常，但都會發生㗎嘛，指數低開後高走都係作戰室Mark定埋㗎啦，但就係自己個人靈魂唔知去咗邊，明明嗰Plan喺晒度但都捉錯咗出倉位，搞到方向錯晒，變咗鑊粥咁。
最後我自己喺一個唔靚仔嘅位先至出倉，明知自己今日弱就順勢等耐少少先至出，數住格仔雞啄米mode就算啦；至少唔會害到人先啦。
依家10點19分，終於完成今日第一注淡倉之後，等緊有無機會可以做返一注觸底上嘅好倉，比返Swing嘅走勢出嚟。除咗諗住借齊數點嘅23400點之外，換個小時圖亦見中軸線同24300點相近，只不過小時圖嘅保歷加通道口收窄中，Slow STC(14.3)兩線向下，中軸線守唔守得到似乎要等10點先有結果。
咁啱今日亦都係美國中期選舉，依家嗰邊點緊票，美股一定望住個結果嚟做啦，至於港股都應該大機會企喺度等結果。本身諗住喺呢度揀隻好倉睇吓有無機會做到觸底上，但都好似無乜方向咁，都係算啦，反正今日我自己都弱，都係唔好害人啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
