今日 10:29
噚日先執隻恒指牛(69733)，再揀多隻恒指熊(65625)，就係五分鐘圖嘅Slow STC(14.3)做Swing。全日計剛好做到兩轉，排位亦都無錯，係先好後淡。
今朝指數低開161點，開市報25252點，喺作戰室Plan定嘅並唔係順住U盤向下再追，反而係等指數會唔會出低開高走，皆因以今朝指數開市價同100天線比，都只係爭50點；只不過今朝出倉有啲心急，捱到五分鐘圖出第三粒燭見低位十字星之後，如果喺呢度出好倉捉呢粒星見觸底嘅話，都只能當係偷步，因為Slow STC(14.3)未確認觸底上。
等緊10點時睇返噚日喺Patreon嘅【本周焦點個股】，噚日推隻友邦保險(01299)出嚟，係向下睇10天線做目標先嘅，而見到今朝開市初段見股價向下踩到10天線，策略上已經成功咗，所以注友邦淡倉已經達標。
不過後續應該有得玩，但就真係要睇返條10天線接唔接股價。日線圖上有由8月中至今股價都企於10線之上，由8月頭到依家嘅話仲畫到條「上升通道」出嚟，如果10天線今朝接得住，咁即係仲有條件沿「上升通道」運行。
要小心嘅係Slow STC(14.3)兩線依家出觸頂向下兼開始離開超買範圍。
換個小時圖出嚟做駁腳睇落去嘅話，小時圖見保歷加通道口收窄 + Slow STC(14.3)兩線觸底上緊，最多借埋50線嚟做下方量度線嘅話，咁友邦牛(54718)，收回價73元，比20天線嘅74.623元仲要低，槓桿有約13.7倍。睇吓日線圖嘅「上升通道」靠唔靠得住。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
