今日 10:30
上個星期五揀咗隻恒指熊出嚟，預備定指數有機會喺五分鐘圖見Slow STC(14.3)出觸頂而有條件做到一趟Swing Trade，指數又嚟低斜度運行今鋪真係時間換格仔，還好日內都做得到一趟Swing Trade，平均都有7格或17.07%正數落袋。
啱啱個星期六同我家老爺兩個入咗迪迪士玩咗大半日，攰咗一個星期日都未回到氣都知老啦；但月尾再嚟多劑係去海水公園哈佬威，講明先我係廢到連電視台做嘅恐怖節目個十幾秒廣告都唔敢睇嘅，我選擇去海水公園嘅原因只係為咗佢哋條新嘅變色龍啫。
今朝恒指開市見微升2點(唔該晒)，作戰室都Plan定出淡倉捉方向，皆因見小時Slow STC(14.3)兩線由上個星期五(9月4日)已經高位向下回落，睇吓今日仲有無得借多少少向下落到中軸位啫。
依家10點3分，指數已經一早升轉跌向下，依家跌緊223點，報25428點，作戰室已經完咗一注淡倉，亦都可能有戰友出咗風箏策略，但等緊嘅係小時圖條中軸線到底穿定唔穿。
雖然目前恒指都仲有似向下，但都先執隻恒指牛(69733)出嚟，因為10點後有機會喺五分鐘圖上觸發觸底上行，(69733)收回價為25048點，同現價有約400點距離，槓桿有約42.6倍，夠做Day Trade。
但如果出文後連25400點都無埋嘅話，咁恒指熊(65625)，收回價25838點，同現價有約400點距離，槓桿約69.1倍。過得到25400點即係等於跌穿咗小時圖中軸，下方無晒線之下，咁又要拎埋條保歷加底線出嚟啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
