今日 10:49

輪證贏家丨好淡各一做Swing Trade

噚日揀嘅恒指熊係出文之後已經見到五分鐘圖嘅Slow STC(14.3)觸底上咗去，唔緊要，仲有得可以借五分鐘圖嚟做Swing Trade嘅，但等Slow STC(14.3)觸頂向下等2點55分先至出現，如同平時一樣用10分鐘時間作為買貨時間嘅話，應該剛好撞正指數落到中軸位有支持，Slow STC(14.3)兩線亦見於中軸位反抽返上去，完美演繹呢頭出完方向錯判嗰頭又要走。

不過下半場喺作戰室反而主力係出好倉，小小意外嘅係呢注好倉喺由上半場見上過中軸線之後出，本以為又係20至30點貨仔，誰不知數下數下，+100點收割兼提早收工。

咁睇文嘅就跟返文去做啦，所以注淡倉係會照計嘅；雖然月度計正嘅係偏多，但拆返開一個月十零注貨裏面，又點會注注都係正數先?!話係嗰個都呃你啦。

嚟到依家10點3分，指數其實都無乜點郁到，所以暫時Day Trade嘅，作戰室出緊注淡倉，借嘅係日線圖10/20/150線同埋小時圖50/100線做上方阻力線(但兩個時軸圖嘅Slow STC(14.3)係未轉向下㗎)，唯同時留意住五分鐘圖10線有無力可以壓得過。

等到依家10點16分，五分鐘圖上終於都見到指數同10線相遇，等緊嘅係穿定唔穿啫。

如果到你睇完文之後，見到指數喺五分鐘圖確認下行過線嘅，咁恒指熊(64190)，收回價25850點，同現價有約370點距離，槓桿約57.9倍，同一收回價及同一高槓桿中屬低街貨。

反過來10線守住重上25500點，甚至一鼓作氣mode嚟殺第一層重貨熊嘅話，咁恒指牛(68474)，收回價25000點，同現價有約470點距離，槓桿有約44.7倍，換股比率係10000，亦都係低街貨、高槓桿。

呢兩隻亦都可以借五分鐘圖嚟嘅Slow STC(14.3)嚟做Swing Trade，識玩嗎?!

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。