今日 10:44
前日揀嘅恒指熊(57633)如果唔再用周線圖做Trade，選擇噚日見指數下行時先行收割嘅話，平均呢注貨都有27.48%正數，過咗夜嘛。
而走隻(57633)嘅同時，噚日揀隻恒指牛(67444)出嚟捉日內Swing Trade嘅，皆因出文時都有見五分鐘圖保歷加通道開始平衡返，博佢見Swing Trade出現所以先至揀隻好倉嚟捉觸底啫。變相棄淡轉好嘅時間都係差唔多，之後喺2點見到Slow STC(14.3)上到超買位，(67444)Day Trade平均執5%以上正數都開心；誰不知之後指數再上...算啦，最緊要正數。
而如果(57633)選擇繼續持貨，即繼續用周線圖嚟做Trade嘅話，依家9點41分，指數暫時最低見過25105點，同10/20週線約25044/25081點都好近，基本上呢注要收正數，真係一啲都唔擔心。
至於今日作戰室同平時一樣，都係等開市之後睇定方向先至決定出乜倉，mark住指數會見低開高走，只係估唔到嘅係開市後向上掂一掂25305點後，閃崩式將跌幅擴大返去到25100點邊皮位到。
依家仲有大約12分鐘就到10點，喺五分鐘圖上彷彿指數向下低走咗第一支燭之後就完成任務咁，於大約2513x點hea緊；換個小時圖出嚟就見到保歷加通道口有見拓闊，Slow STC(14.3)兩線亦都有似重新向下；但安全啲，都係等指數確認向下穿到25100點，即入重牛區先至再追。
10點前有見指數已經穿過25100點，入到重牛區，作戰室今日第一注淡倉開市後，持貨到10點左右，見指數入到重貨牛證區之後，應該都識得見好就收或者出風箏策略；係呀，我嗰時好唔得閒，因為我搶緊林海峰嘅《內有惡戀》舞台劇飛(終於都搶到啦!)
到依家10點30見指數再落多次25100點以下水平，淡倉依家先至再出嘅話，咁就要借小時圖保歷加通道口保持拓闊，因為Slow STC(14.3)已經落到超賣位啦；BTW要指數再向下走嘅話，咁25000點攻防戰準備啦。
恒指熊(65492)，收回價25545點，同現價有約500點距離，已經係全城最貼價嗰位嚟㗎啦，槓桿有約44.7倍為同一收回價中最高槓桿+低街貨。
發行商嘅責任之一就是提供和保持流動性，所以唔駛好似搶飛咁搶嘅。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
