今日 10:23
星期二見恒指Break完之後再落，所以揀咗恒指熊出嚟，都講定睇可以等到五分鐘圖出觸底上先至「彈高熊」，畢竟出文嗰時再預計到睇完之後，指數有可能已經跌完。
放咗噚日嘅7.1假期之後，即代表今年已經過咗一半，上半年港股大多數時間都處於捱打格局，年頭到今指數以一浪低於一浪嘅姿態嚟向下運行；又今年出五窮(5月跌594.14點/2.3%)六絕(6月跌2301.37點/9.14%)，咁七翻身又係咪出現？
今日好似暫時出現咗先，指數開市升190點之後，到依家9點50分升幅擴大至一度見升逾400點，上到233xx點，而熊證首兩層街貨亦已經儲數被收回，叫做踩入重貨熊區嘅23300至23399點。
換小時圖上見，指數有穿過50線，不過到依家9點53分時見得得返條上影線啫。
仲有3分鐘就10點，五分鐘圖上已經見到保歷加通道已經整條向上，10線亦都keep住高走，一副準備好出Swing Trade上行嘅走勢。
但留意今日日線圖嘅10線位係23365點，而截至依家9點58分止，恒指嘅高位係23335點，即係話指數曾經同10天線只係距離30點，雖然同「下降通道」頂仲有距離，但你有無信心指數會過得到10天線？
恒指熊(63755)，收回價23691點，同現價有約460點距離，槓桿有約42.2倍，就算唔宏大到借10天線出阻力重新推返指數向下落，但都可以借五分圖鐘嘅Slow STC(14.3)準備出觸頂下一，玩Swing Trade一趟吧!
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。 版權所有。
