昨日 10:35
噚日一路打住隻稿，一路同作戰室嘅戰友追緊好倉，所以都揀隻恒指牛(57329)出嚟。但差唔多打完文之後見指數由24550點左右開始向下落，唯有喺呢度Set定借五分鐘圖做Swing，10線守唔到借到20線；都守唔到就借條Slow STC(14.3)出觸底。
戰友們狂罵恒指係垃圾指數都唔係無原因，24550點/日線平頂楔形本以為過，指數磨咗咁耐希望有新嘅一頁，但最後都係出上影線再變「擊射之星」再變「十字星」向下回落兼倒跌，唔緊要，作戰室裏面一路鬧一路出淡倉；喺呢度嘅話...來都來了...借五分鐘圖Slow STC(14.3)Swing Trade一趟平均有16.5格或58.93%執，食用油、西瓜、日用品，要乜有乜。
若然噚日隻(57329)仲在手嘅話，今朝指數開市後再高走，截至9點38分止，指數有高衝上去24800點樓上，只不過未見佢企定。等到依家9點50分都仲見到指數喺24800點上上落落，作戰室好倉先食一轉。
上到呢個位又要開始拎返年內高位即3月19日高位24874點，10點前恒指內高位暫時做過24867點，兩者相隔7點；不過如果用牛熊證街貨嚟度嘅話，隨時好友劍指25000至25099點呢層重貨熊。
坦白講以五分鐘至小時圖見嘅Slow STC(14.3)上到超買位，仲要行超買再超買咁耐，基本上用開技術分析嘅都知道Slow STC(14.3)係無可能永遠貼住超買位行，10點後作戰室做緊反手淡倉，比較主要嘅原因係放鬆返條Slow STC(14.3)啫。
依家10點17分，五分鐘圖上見指數向下過10線後未到中軸，暫時仍然處於保歷加上升通道裏面運行中。
恒指牛(57636)，收回價24485點，同現價有約340點，最貼價牛證之中(57636)槓桿最高，有約56.4倍，反正都係揀貼價牛再追上，咁梗係用隻高槓桿架啦。
借五分鐘圖指數Keep喺保歷加上升通道向上運行，所以中軸喺佢嘅下方量度線；剛好依家10點23分見指數借中軸線企住上返10線前，就Set過到10線先至出隻(57636)。
如果唔係...高槓桿牛咪用嚟做Swing Trade囉，好簡單啫。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
