7月15日 10:37
噚日無揀到任何貨出嚟，皆因成個朝早都未有方向；即使去到下半場都只能數住點數咁爬格仔。全日恒指波幅200點都無，開電腦睇市簡直係浪費人生同電力。
不過，算係開始搵到一個共同點係，小時圖同日級圖嘅Slow STC(14.3)都處於中軸嘅同時，指數擺位有見落到中軸線後出支持，將指數Lock住喺保歷加上升通道範圍裏面。
怕就怕個日線圖仲出緊噚日畫嘅「平頂楔形」。如果佢愈行愈尖的話，就會再變成「平頂三角形」。
以暫時見嘅「平頂楔形」頂底線分別為24500點同24000點，呢個500點範圍真係玩咗好耐，大約上個月月底至依家啦。
都唔緊要，有個範圍喺度只要佢肯繼續玩就得啦。睇今日恒指玩得幾活躍，開市後10分鐘都無就上到24450點樓上，還好作戰室開市前Plan定出好倉，一注過還是兩注駁住上都無問題。
但問題喺呢度，我出得文嚟都應該10點，24500點呢個位穿定唔穿?!應該都有排玩；依家9點45分，喺作戰室成班人就好似過年倒數咁，數住仲有幾多點到24500點。
的確係想喺呢度借小時圖Slow STC(14.3)喺中軸開始抽高未到超買位而出恒指牛(57329)，收回價24028點，不過，五分鐘圖上見指數同下方10線真係拋離得太遠，就Mark指數五分鐘圖用保歷加頂線同10線行Swing的話，都等一等線比較安全；同步都鬆一鬆條Slow STC(14.3)啦。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
