今日 15:12
《財政預算案》宣讀時，應該絕大部份香港人都返緊工，未必個個都可以開住嚟睇/聽，甚至未必個個有耐性去睇，可能Lunch Time時上網睇下有無懶人包，同港股有兩點「懶人包」可以提一下嘅係：1.港交所(00388)與證監會將在年內就改善交易單位制度(即俗稱「手數」制)提出建議；2.港交所會在年中起為其交易後系統逐步引入新功能，並進行系統升級，以確保於年底前在技術上兼容T+1結算周期。
再簡單啲：1.可能取消以手數計買入個股，即買一手比亞迪(01211)唔駛郁啲都19幾萬；2.由T+2變成T+1結算。
今朝有講過指數或會因《財政預算案》宣讀而出現橫行情況。果然喺11點打後指數於23600點定住橫行至收市。
睇返今朝揀嘅恒指牛(57216)，按今朝Patreon出文時間為9點57分，如常的用10分鐘作為買貨時間的話，則於10點7分再睇返個走勢圖，見小時圖指數仍然守住喺10線之上，(57216)借線出動。
如常的用10分鐘作為買貨時間的話，按期內高低位做過0.065元/0.059元，平均買入價為0.062元。
持貨後繼續借住小時圖10線向上走，去到11點打後見小時圖嘅保歷加通道口都拓闊埋，比位指數再上之下(57216)捱得住過Lunch。
依家1點28分，午後指數再上多一級入咗237嘅範圍，而呢一層亦都係重熊區，有12XX張期指街貨，話口未完，23800點都上到埋，本來想喺呢度寫定見23800點一到，即等於重貨熊全數被收回，隻(57216)都可以收工，希望到出到文之後唔會回得太急啦。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
