7月31日 13:44
奧運嚟到今日第五日比賽，港隊已經奪兩金一銅，恒指今日都似乎想一齊奪金，望望鐘依家1點13分，見指數升逾300點，一度攀埋日線圖條10線。
今朝揀咗隻恒指牛(65520)出嚟，計劃借小時圖企好中軸出動，只不過係今朝指數上行時有啲醉酒Feel，所以千叮萬囑注碼上要留意一下。
以今朝出文時間10點21分計，如同平時一樣用10分鐘時間去睇文的話，則於10點31分再睇返個走勢圖，見指數已經進一步向上攀升到17200點以上位置，小時圖中軸守得住之餘，亦開始見到出一支比較大嘅陽燭，如同平時一樣用10分鐘作為買貨時間的話，按期內(65520)高低位做過0.063元/0.056元計，平均買入價為0.0595元。
必須承認落場嗰位的確係有啲高追，落場後指數稍回但幸好10線接得住。隨後指數再上，喺大約11點25分於五分鐘圖見指數借到10線向上兜底成功出到「圓底」之餘仲過埋勁線，半場高位17375點咩高追都變成廢話。
不過到咗下半場開始，指數於高位亦見橫行，令到保歷加通道亦出現收窄。再望下個鐘見依家1點34分，目前五分鐘圖有10線算是守得住，同步20線向上準備同10線重壘咁款。
下方量度線放喺五分鐘圖20線唔反對，更好收網更加讚成，自己數住格仔啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
