4月30日 15:11
今朝揀咗隻恒指牛(56350)出嚟，計劃借小時圖10線慢慢等指數向上咬上去。以今朝出文時間10點15分計，如常用10分鐘圖去睇文嘅話，即於10點25分再重新睇返個走勢圖，見指數都仲係喺小時圖10線之上，但今日指數都唔係幾願郁，完全明白嘅，已經連chur六日上行，累升過1200點；行路上廣州中段都要休息下掛。
所以今日指數似乎選擇咗喺小時圖10線hea住先，而(56350)亦選擇借小時圖10線陪佢一齊hea，就係咁解。
同平時一樣用10分鐘作為買貨時間的話，即於10點25分至10點35分期間，(56350)高低位做過0.059元/0052元，平均買入價為0.0555元。
上半場見恒指真心唔多願郁，見點數都係keep住升70幾至80幾點呢個範圍，兼且入(56350)個位唔多靚仔，撞正今朝做緊高位17902點時出手，結果落場後(56350)比較大部分時間都係捱緊價；一入就升唔駛坐嘅話應該唔會再有人介意最低工資can唔cancel，反正都無人返工，你話係咪先？！
本以為躺平都可以過到今日，去到11點見小時圖10線向上移高至17806點，仍然嚴守策略的話，喺11點10分已經見指數再次向下，數點上失守10線，(56350)亦都需要起身。
以11點10分起計10分鐘執包伏走隻(56350)，期內高低位做過0.055元/0.05元，平均走貨價為0.0525元。呢一趟平均輸3格或5.41%。還好呢個蝕幅都仲頂得住，一陣再睇今個月嘅【月度報告】咩料啦！
作者阿珊，以技術分析專心玩輪證，唔貪心，努力賺取我家肥貓罐罐。
