4月8日 14:56
今朝出文時都仲等緊小時圖上見指數向中軸邊一邊打過去，所以兩手準備下，揀定咗隻恒指牛(52836)同恒指熊(52749)出嚟。
以今朝出文時間10點19分，如常的用10分鐘作為睇文時間計，即於10點29分再睇返恒指走勢圖，當時恒指16810點，高於同期小時圖20線16784點，換言之指數高於中軸，所以(52836)可以出場。
同以10分鐘作為出貨時間的話，即於10點30分至10點40分出隻(52836)，期內高低位做過0.058元/0.049元，即平均買入價為0.0535元。
落場後指數亦如願地向上繼續高走，及至11點見高位16894點/16895點，五分鐘圖上「平頂」出現的同時，日線圖上亦開始靠近150線。然而五分鐘圖「平頂」過後指數於11點15分確認向下兼失10線水平，同步Slow STC(14.3)亦於超買範圍出現觸頂，(52836)似乎要起身離場。
如常的用返10分鐘作為走貨時間的話，則於11點15分至11點25分期間走隻(52836)，按期內高低位做過0.064元/0.055元，平均走貨價為0.0595元，呢一趟不消一個鐘平均報6格或11.21%。截至目前為止只係計呢個欄裏面可行嘅策略所計及嘅賺/蝕幅度暫為+9.62%，算是補咗今個月第一注嘅-18.89%嗰條數，兼有個菜肉包食下；但如果計埋作戰室裏面嘅話，嘿，點知填返個窿咁簡單。
睇返今朝恒指嘅走勢，先低後高再向下回返落去升轉跌，令到指數喺小時圖指出現一pair「大陽」「大陰」燭，以中午收市價16709點計，指數於小時圖上目前仍算是企於10線之上；而五分鐘圖亦見Slow STC(14.3)雖然於低位有似出觸底，不過觸底回彈力度似乎有啲弱，再加上午前見指數被150線及100線夾住，還好保歷加通道口目前仍然拓闊，即使午後指數再借Slow STC(14.3)行swing都仲有位走。如果係嘅話，試多次(52836)，指數11點打後向下回返落嚟之後，以中午收市價計同現價有400點左右距離，所以槓桿目前見約35.55倍，同今朝揀咗時槓桿係低咗啲，不過Day Trade計都仲可以嘅。
BTW，今日開始逢星期一同五下晝2點半，我會喺新城財經台以音會你。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
