4月5日 13:37
今朝揀咗隻恒指熊(54477)出嚟，計劃五分鐘圖見指數被10線擋路的話就出場。
按今朝出文時間10點17分計，如常用返10分鐘作為睇文時間，即於10點27分時再睇返指數，當時指數未掂到10線再次向下，基本醒都可以出隻(54477)。
如常的用返10分鐘作為出場時間的話，即於10點30分至10點40分期牌出隻(54477)，期內高低位做過0.055元/0.049元，即平均買入價為0.052元。
都真係比較戲劇，完成出場動作之後五分鐘，於10點45分見指數向下再落穿埋16500點呢個位，換言之今日指數向下殺咗兩層牛證街貨層，total收返相當於1346張期指街貨，真係有諗住指數會向下再落，事關喺16300至16399點，即係依家數嘅第二層牛證，就已經係有相當於1295張期指街貨嘅牛證重貨區。放完個假返嚟之後，阿市真係餓到咁？
我都想，手執淡倉嘛，但喺10點50分，指數喺五分鐘圖上出爭三點「平底」，係呀，點數上係拉到最盡嘅「平底」生效位。比多五分鐘即見指數稍回兼Slow STC(14.3)出現觸底，戰友們亦紛紛將手上嘅淡倉先行收割，(54477)亦都可以選擇先閃人。
以10點50分起見指數同Slow STC(14.3)出觸底不利(54477)淡倉，如常用10分鐘作為走貨時間的話，於0.056元/0.049元，平均走貨價為0.0525元，呢一趟扣埋手續費嘅話，應該可以當無事發生過；同步作戰室戰友出晒反手lu。
如果你見下半場返嚟條恒指跌幅收窄，都想比返好倉一齊追下嘅話，勸你都係小心五分鐘圖依家條Slow STC(14.3)上到天花，同埋小時圖見指數午後暫時(截至依家1點17分止)去到10/100線前出上影線，戰友們好倉都食埋準備去Happy Friday！不如先睇返五分鐘圖10線接唔接得住指數，接唔住嘅話，淡倉博佢出觸頂Swing Trade多一趟仲好。
作者阿珊，以技術分析專心玩輪證，唔貪心，努力賺取我家肥貓罐罐。
