【輪證下半Part】恒指熊點都正數收工

今朝揀咗隻恒指熊(52361)出嚟，計劃借小時圖指數失150線後出動。按今朝出文時間10點13分計，如常的用10分鐘作為睇文時間的話，即於10點23分再睇返條恒指，當時指數報16544點，對比小時圖150線為16589點，畫埋條底線都穿埋，(52361)可以出場。

如常的用10分鐘作為出貨時間的話，即以10點25分至10點35分作買入時間，期內(52361)高低位做過0.055元/0.052元，平均買入價為0.0535元。

呢注淡倉出咗之後都唔知set咩位做目標價，同戰友吹水咁講話唔知指數會唔會咁痴線連16400點都失守，鯨吞重貨牛，本身大家都真係無諗過佢咁痴線，但就痴比你睇。半場計恒指最低見16341點，收報16350點，都算接近低位收市，半日跌512點，成交額已經去到764.27億元。

如常的用返五分鐘圖嘅10線作為(52361)上方量度線(即係過線就走貨)的話，真係唔反對，指數去到呢個位，今朝隻(52361)出到依家點都有正數落袋，問題係幾多格啫。

作者阿珊，以技術分析專心玩輪證，唔貪心，努力賺取我家肥貓罐罐。

Patreon新增內容【開市前速報】，七日免費試用：https://www.patreon.com/join/cbbcwar

下一篇：麥格理:長實績後急挫創多年新低留意購23612

上一篇：【輪證下半Part】恒指牛未必貪得好多

信報簡介｜服務條款｜私隱條款｜免責聲明｜廣告查詢｜加入信報｜聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見，本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及／或該等控股公司的任何附屬公司、或其資訊來源及／或其他第三方數據供應商均竭力提供準確而可靠的資料，但不能保證資料絕對無誤，且亦不會承擔因任何不準確或遺漏而引起的任何損失或損害的責任。