3月20日 14:40
今朝揀咗隻恒指牛(51677)出嚟，計劃等小時圖企好150線樓上的話就出動；而如果唔等小時圖嘅話，借五分鐘圖Slow STC(14.3)喺超賣位出觸做一趟Swing嘅Day Trade都可以嘅。
以今朝出文時間10點44分計，如常的用10分鐘作為睇文時間的話，即於10點54分再睇返恒指走勢圖，先是五分鐘圖嘅圖Slow STC(14.3)除咗今朝「大陰燭」向下插落之後嗰一下，跟手整個上半場嘅Slow STC(14.3)幾乎都處於超買水平，根本唔符合出Swing trade嘅好倉條件。
直至到11點45分指數上到150線之後唔過線，高位出爭兩點平頂後重新向下，5分鐘之後見指數向下再穿過中軸，Slow STC(14.3)兩線有望重新回落到超賣水平。午前，Slow STC(14.3)嘅%K線終於都落到20以下嘅超賣範圍。
午後紎1點10分見Slow STC(14.3)兩線終於都確認出觸底，(51677)符合Day Trade Swing一趟嘅落場條件，按下半場開市後如常的用10分鐘作為入(51677)的話，即於1點10分至1點20分之間，(51677))高低位做過0.046元/0.042元，平均買入價為0.044元。
依家1點23分，見指數於五分鐘圖上仍然保持觸底上行嘅形態，換上保歷加通道見目前整條通道仍然橫行中，唔貪心的話先留意中軸水平，皆因暫借指數於保歷加底線至中軸運行，一旦上破中軸才再貪心多少少上望頂線；同步留意埋小時圖10線，因為目前指數仍然被小時圖嘅150/10線所困住。
未心貪得好多，就當爬格仔一趟啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
