2月27日 14:29
上半場完成注過夜熊操作之後，就無再揀過貨出嚟，事關見小時圖保歷加通道保持平衡，Slow STC(14.3)同指數出觸底係預咗(所以先至走恒指熊之嘛)，但同時10線喺頭頂同指數又距離不遠，以依家1點8分見恒指報16585點計，同小時圖10線&五分鐘圖嘅50線相若，都係等多陣先再作打算。
又唔駛等好耐喎，過咗4分鐘見指數跌幅大為收窄，戰友見過線都紛紛出定好倉，而小時圖上見指數亦上破咗條10線，保歷加通道雖然未見好闊，不過Slow STC(14.3)觸底回升都 好明顯，唔通聽日期結+《財政預算案》，所以今日都喺下半場嘅時間做返好少少？
再嚟到依家1點18分，似乎恒指呢一輪升勢即將結束，指數分別於五分鐘圖見150線及小時圖見20線後即回，喺呢個欄的確難以用十幾分鐘快執一轉呢個策略，唯有繼續觀察小時圖情況。
小時圖條中軸線的確比較難突破，事關被日指數喺呢線下被困好耐，今日向下一落借返保歷加底線向上，暫時見指數反方向上破中軸不果，但至少目前指數出Swing嘅條件，即保歷加擺位同Slow STC(14.3)觸底條件仍然存在。
進取嘅見指數重新再回落返去保歷加通道底線時，同時保歷加通道口仍然保持平衡之下，借Slow STC(14.3)繼續觸底向上而出恒指牛(50383)，收回價16150點，同現價有約400點距離，同一收回價中槓桿最高，有約35.22倍；安全嘅等過返小時圖中軸線先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
