2月26日 15:24
今朝揀咗隻恒指熊(65317)出嚟，雖然終極借日線圖100線唔過+出「射擊之星」+畫埋條「上升通道」睇埋見頂線唔過向下回，不過以(65317)嘅槓桿都有30倍以上，萬一艱咩事變陣行Day Trade都係可以嘅。
入口位就等五分鐘圖Slow STC (14.3)上返去超買時先至再出動。等到今朝11點5分，指數最多都係上到去中軸水平，而Slow STC(14.3)兩線亦只係去到40幾，5字頭都未有恒指就被中軸線向下打返落去，摺呢個位出(65317)的話唔係唔得，但要知道呢個位係借中軸線唔過而入貨嘅，所以注碼上要留意一下。
如常的用10分鐘作為買入時間的話，即於11點5分至11點15分期間入隻(65317)，按期內高低位做過0.057元/0.053元，平均0.055元。
落場後指數向下再落，差不多都回返落去今朝接近16600點附近範圍後見橫行，同步亦見保歷加通道以頂至底高80點有找嘅窄幅夾住指數，唯有等下半場開市後指數過唔過到呢條底線。
下半場開市後指數忽然向上抽高，喺橫行中嘅保歷加通道出Swing走勢，單喺下半場開市後首五分鐘已經將五分鐘圖嘅10同20線都收復番晒，如果係用嚟做Day Trade嘅，呢啲位就應該閃人先。
計一計呢個位走嘅話會發生咩事。以1點返嚟後見過線走貨，如常用10分作為走貨價的話，按期內(65317)高低位咁啱同平均買入價時都係做過嘅0.057元/0.053元，即平均沽貨價見0.055元，呢一注無輸無贏，但就無咗手續費。
至於諗用(65317)作為日線圖100線唔過+出「射擊之星」+畫埋條「上升通道」睇埋見頂線唔過向下回返落去嘅話，咁都用返小時圖10線作為量度線啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
