12月28日 13:27
年尾期指+年結又真係無令人失望，恒指今朝開市升50零點後，至上半場完場前一直保持住以「穩定」嘅步姿向上運行至16900點樓上，唔經唔覺將熊證首三層街貨全數收回，量又唔係好多，只係相當於405張期指街貨，17000至17099點嘅過千張期指重貨先至係戲肉。
今朝揀咗隻恒指牛(64181)出嚟，借小時圖拉出嚟嘅量度線做底線位嚟出貨，博可以沿小時圖保歷加通道口保持拓闊+Slow STC(14.3)兩線仍然向住超買方運行。按今朝出文時間為10點14分，如常的用10分鐘作為睇文時間的話，即10點24分再睇返個市，指數仍然守住量度線，(64181)可以出動。
以10點25分起計如常的用10分鐘作為買入(64181)嘅時間，期內(64181)高低位做過0.058元/0.054元，平均買入價為0.056元。
落場後指數嘅運行速度係慢但方向總算正確，同步指數同之前Set嘅量度線已經愈嚟愈遠，按作戰室如常的策略，換上最近嘅平均線做量度線的話，五分鐘圖嘅10線已經ready。
去到11點打後再睇小時圖，已經見到本來要Alert住嘅小時圖150線都已經上破埋，踩入11點10分之後，指數開始變陣咬住16900點，而同步見期貨上到17000點。
再去到11點45分左右，五分鐘圖上見保歷加通金道已經整條向上行，借埋中軸以指數企於保歷加上升通道而Keep好倉的話係無問題，但既然用10線作量度線亦無謂改來改去，始終嚴守策略有其好處。按11點45分見指數失守10線後，(64181)亦可以選擇起身，如常的用10分鐘作為走貨時間的話，按11點45分至11點55分期間，(64181)高低位做過0.064元/0.062元，平均走貨價為0.063元，即呢一趟指數慢升開出嘅好倉平均執到7格或12.5%，屬正常操作吧！
至於下半場會唔會繼續借整條上行中嘅保歷加通道再上，慢慢地又唔覺意咁掂到17000點呢？只可以話中午收市計見小時圖保歷加通道口仍然拓闊，希望係有嘅，只係小心指數喺150線之上出咗疑似「射擊之星」嘅物體，下方如果五分鐘圖嘅10/20線借唔到嘅話，隨時要借返小時圖150線。
保正數，保平安。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見FB專頁：https://bit.ly/3uixP4Y
