今日 12:50

輪證贏家丨沒有北水的第二日·外賣到

上個星期五揀咗隻恒指牛(57447)，Day Trade用嚟博指數之後向上高走返上去打24000點個位就完啦都真係唔求啲乜，亦都求唔到啲乜。只不過當Patreon出完文之後，再如常用10分鐘去睇文，跟手再睇返個市嘅話，24000點已經撲完，所以(57447)出唔到場。

「咁用返五分鐘圖嘅Slow STC(14,3)做返Swing都得掛?!」絕對可以！但前題係要見到Slow STC(14,3)兩線落到超賣位後出觸底上先出得好倉。但睇返噚日Slow STC(14,3)於五分鐘圖上，除咗10點半前有見過之外，之後都係無見到Slow STC(14,3)兩線落到超賣位，所以隻好倉亦都係無符合出場條件。

今日都係繼續無北水，恒指低開8點之後有見向下再落，入多次238嚟殺牛，作戰室第一注都推隻淡倉出去博首四層牛證都會全數被收回，但到依家10點9分，指數暫時咬住239附近，係呀，連第一層嘅牛證都未殺晒，佢又開始坐喺度砌城堡啦；不過，對比起上個星期五嘅恒指，今日都叫做放晴。

依家10點13分，恒指跌幅一度擴大至逾百點，所以依家叫做收窄返跌53點，報23919點，小時圖上都畫到啲有似出觸底嘅訊號，但可借啲訊號最多都只係值50分，怕且佢都似吽住橫行啦。

指數無乜嘢可以玩嘅唯有向個股埋手，跌到咁應該都想睇吓有咩好撈㗎啦...外賣仔(03690)好似有啲機。

日線圖係一啲都唔靚，股價每下愈況+每況愈下，只不過係見佢日線圖Slow STC(14.3)觸底上+喺大約68.8元水平出到平底線，所以先至捉出佢嚟，睇吓有無力去返10線啫，多都唔諗啦。

換小時圖上見美團目前股價上到小時圖10線位，暫時未見再破上，可能要back test埋Slow STC(14.3)條%K線嘅腰力。

假設繼續用10天線(約71.85元)mark住嚟做上望位嘅話，咁等同於依家嘅小時圖20線(約71.94元)附近。

美團牛(68841)，收回價66元，低於畫住嘅68.8元底線，槓桿有約10.3倍夠做Day Trade，低街貨。

咁嘅市況，目標為本好啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。