今日 10:58

輪證贏家丨沒有北水的第三日·乾

今朝天氣好明顯比之前清涼咗好多，塊面同個咀都feel到有少少乾燥，但又未到於好似恒指噚日乾到連千億成交都無嘅。

所以噚日有見恒指又嚟一步向下之後，全日稍極度低斜度嘅高走，都知道指數又會係難玩嘅一日，故一早搵咗隻外賣仔(03690)出嚟，見股價有條件出Swing向上博撲到10天線，又揀定隻美團牛(68841)，出倉條件如常用返Swing啦，即係Slow STC(14.3)超賣位見觸底見去，有咩事都仲有呢個出倉位嚟比機會變陣做Day Trade。

由於呢一注去到收市前都未上到目標，即10天線，所以都有條件繼續；不過如果Day Trade唔過夜嘅話，以(68841)臨完場前見0.075元證價計，即平均都有五格執到。

及至今日返嚟見指數開升逾200點，外賣仔開市價亦見72蚊，升抵之前Mark住嘅10天線目標價，目標為本收得工啦，完全無諗過佢要幹一番大事出嚟㗎！

未過今朝喺作戰室嘅第一注並唔係順U盤出好倉，因為度過唔係幾夠位/條件，所以今日嘅第一注係等位出淡倉。依家係10點7分，淡倉一早坐晒喺度，有部分戰友更係比我快入快出，先收今日杯咖啡錢，而(可能)仲有在手貨嘅，就等緊指數同五分鐘圖10線相遇之後，係向下穿過10線，還是10線出支持。

嚟緊個星期六(10月10日)我會喺強少個投資講座度蒲頭，唉~ 識我同佢嘅都知道我哋十幾年交情...咁梗係唔係做佢聽眾啦，佢殺咗我都有份，所以呢兩日都有做到少少功課出嚟，預備喺星期六同大家分享吓咁囉。就喺我搵緊圖嚟做功課嘅時侯，我遇到佢：阿里巴巴(09988)，日線圖都有幾個印花集齊得到嘅。

先係Slow STC(14.3)嘅%K線於超賣位高走於%D線，再來今日裂口高走爬返上10/20天線，換保歷加出嚟見整條通道橫行中，有Swing出動條件。

阿里牛(60844)，收回價97元，同現價有約11.2元距離夠安全，槓桿有約8倍，低街貨。

上面保歷加頂線同50/100天線個位都係差不多113至114蚊左右，就試吓睇吓到唔到囉；入貨位盡力咬返住五分鐘圖啲Swing出好倉嘅位，即係Slow STC(14.3)見觸底見好出動，有咩事變返用五分鐘圖Swing一趟做Day Trade都仲得呀嘛~

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。