今日 10:23

輪證贏家丨恒指熊入226先安「落」

噚日揀咗日經Call(11173)出嚟，借日經日線圖條10線守住嚟博指數再創新高。文末亦重申，日經波幅唔細，鎖定止蝕位嘅同時，亦宜通過注碼嚟控制風險。

與此同時，喺揀輪方面都要考慮埋引伸嘅部分，既然知道波幅係比較大嘅話，咁喺揀輪嘅時侯就更加應該要留意引伸波幅部份，盡量揀隻低引伸嘅輪，否則「縮Vol」無仇報。

睇返噚日日經最高見過72645點，同mark住嘅高位72831點都只係爭186點，所以如果呢一注見指數都爬到上接近返高位水平，又擔心(11173)Underlying買到日經咁遠，見正數先收都真係無問題，特別是如果你係第一次參與外國指數輪嚟講，應該會有一種莫名奇妙，甚至係偷食嗰種興奮，以噚日(11173)唔過夜、完場前10分鐘走人的話，平均都有6格/8.05正數入賬。

噚晚睇新聞都仲見到美股反抽緊600點上去，心諗：唔通今日港股會「暴力反彈」到500點?!今朝起見再睇新聞見三條美指都回晒有凸，今日港股向下再往重牛方向走。正如噚日喺文章同早兩三日喺作戰室裏面講過，指數下行方向嗰loop都好似仲未完咁，而23000點都無嘅時侯，應該幸慶香港仲有put有熊有得造淡。

仲有6分鐘就10點，指數向下挫到暫時最低位22756點之後有見反抽，五分鐘圖同小時圖嘅Slow STC(14.3)都有見到觸底上行，的確係咁嘅市 裡面出好倉嘅難度比幫我家肥貓剪指甲同刷牙更難。

恒指熊(64791)，收回價23337點，同現價有約500點距離，槓桿有約38.7倍，為市場上最貼價熊及最高槓桿熊之中，成交最活躍。

依家10點11分，睇嚟都要向下再入226先安「落」。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。