今日 11:07

輪證贏家丨日線圖好似終於出得牛證捉反彈

上星期五揀咗隻恒指熊出嚟，望住下面啲牛證街貨打落去，11點都未到連22600至22699點呢一層牛證都無埋，再往22500至22599點呢層落去嘅話，由於時間關係，個市都開始食飽，又五分鐘圖上有見保歷加通道口收窄，Slow STC(14.3)亦見觸底上，臨完場前玢鐘有見指數上過10/20線，(64791)亦要起身收割走人。

作戰室裏面一早開出淡倉，所以食到嘅點都比齋睇文嘅多嘅。

今朝指數開升155點之後，10點前有見過指數上到229，但截至依家(9點54分止)都仲未見指數有再撲向上走，所以今朝作戰以好倉作為第一注。

喺小時圖上有見指數目前仍然處於10線同20線之間，觀乎指數6月16日開始到依家為止，小時圖上見指數都係處於保歷加下降通道範圍運行，所以就算出好倉，都先用小時圖中軸做住上方目標先，而依家10點12分，線位係23036點。

望望指數依家做緊22900點，升228點，同小時圖中軸線都仲有成100點距離，借五分鐘圖10線同保歷加頂線夾住指數再向上走嘅話，咁五分鐘圖嘅10線要守得住啦。

恒指牛(69281)，收回價22504點，同現價有約390點，槓桿有約47.7倍，為市場上最貼價牛之中數高槓桿。不過，依家10點19分時已經見到指數撲到向上2299x點啦。

咁揀定多隻恒指熊(66658)，收回價23337點，同現價有約442點距離，槓桿有約41.36倍，為同一收回價中第二高槓桿、但贏在低街貨。

如果23000點有見阻力的話，咁(66658)就掟出去啦；反而有見向上突破嘅，(69281)小注試吓個市升唔升得起。

作戰室已經將好倉嘅上方量度線向上再移高咗lu~

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。