11月3日 10:40

【輪證贏家】抱住恒指熊博往近街貨走

轉眼2025年又得返兩個月，唔知你有無呢種感覺，近呢三四年嘅日子過得特別快咁，可能屋企多咗隻肥貓唔同咗掛~

依家差唔多完U，喺作戰室裏面都已經同戰友睇好晒啲小時&日線圖+街貨圖+執定牛熊一pair出嚟，等開市。喺小時圖上見Slow STC(14.3)兩線處於超賣位，而保歷加通道口亦見拓闊，如果指數再向下落嘅話，小時圖嘅Slow STC(14.3)就會見超賣再超賣。

如果用技術分析去度嘅話，五分鐘&小時圖都有見Slow STC(14.3)觸底上，好倉出去齊齊觸底，好正常呀，但其實上個星期五已經係咁，不過指數選擇下行殺街貨，而今朝本身指數都開返嚟牛證第一層街貨位，向下掃到25100至25199點先至重牛有過千張期指街貨；但由依家起步計向下落嘅話已經有貨，反方向上行殺熊證要餓到見26300至26399點先至見第一層熊證街貨。

按大多數情況指數都係往街貨方向走嘅話，先抱住隻恒指熊(61983)，收回價26450點，同現價有約456點，槓桿約50倍。

稍等指數於小時圖上再次唔過100/10線先至出，博整條小時圖向下落借埋保歷加通道底線向下落，唯一要留意嘅係Slow STC(14.3)，如果佢有力抽得返指數上去+觸底高走嘅話，咁就執隻好倉掟出去做Swing Trade啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。