9月22日 10:19

【輪證贏家】恒指熊等ST有條件先出

呢個周末雨都無停過，今朝叫做出返個太陽，一陣又話1號，到今晚上到3號。樺加沙呢個風大家都好嚴守以待，唔知今次啲縐紋膠紙會唔會好似上次山竹咁，炒到80蚊一卷呢?!

咁大風雨停課停工好合理，只係擔心個風走咗之後，地面況狀係咪適合外出啫；然而，港交所(00388)會繼續同大家風雨同路，打風不停市之下我諗除咗打到停電停網，個市先至要焗停(Same here!)，因為個市唔係只係服待你，係其他唔係喺香港但係炒港股嘅人。

仲有1分鐘先至完U，今朝如常的一早喺作戰室睇咗個日線圖，畫咗幾個月嘅「上升通道」Keep得到，而指數亦保持住一浪高於一浪運行。

呢個走勢，日線圖10線守唔守得住都已經不再重要，20線要失都OK，最重要嘅係「上升通道」底線要守得住；如果唔係遊戲玩爛咗嘅話，咁就只係一拍兩散。

恒指熊(60547)，企遠少少所以拎到個收回價27038點，槓桿有約42倍，即使變陣用返五分鐘做Day Trade都夠槓桿，街貨0%而未多人發現呢隻嘢住，唔駛被人擘價。

依家10點6分，準備出文不過五分鐘圖有見Slow STC(14.3)觸底上，唔係一個出淡倉嘅好時機。常借返做Swing Trade方法出淡倉，落得到場而方向有嘅，先至再考慮係玩Day Trade還是做中線啦！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。