今日 10:54

【輪證贏家】S金Call食咗未?!

噚日喺呢度無睇到指數，事關指數大裂口開市之後，整個上半場都處於高位徘徊，半場日內高低波幅都係100點左右，格仔難爬。

所以就將焦點轉移去個股上面，由於今個月美聯儲將會議息，而且減息呼歡聲強，所以喺美滙弱、金價強之下，揀咗隻SPDR金ETF(02840)出嚟，順便執多隻S金Call(16316)。

不過，今朝都有講低咗入(16316)條件，就係等一等五分鐘圖回落10線，或Slow STC(14.3)兩線落到超賣時見觸底先至出手，皆因出文時都見單位價格飆得太高。

按噚日Patreon出文後再如常用10分鐘作為睇文時間，之後再睇返個市嘅話，見單位價格已經借咗10線踩咗上去，同時Slow STC(14.3)兩線亦都貼住超買運行。呢啲位走嚟再掟隻(16316)出去，就等同硬追。

所以，如噚日文末所指，比較安全嘅做法等返指數重新踩線或者確認Slow STC(14.3)觸底上行先至出(16316)。
及至下半場3點15分見Slow STC(14.3)兩線已經處於超賣位，(16316)終於符合出場條件，忡要出超賣位到完場前，所以按呢呢一注嘅出場時間，都估到要過夜。

今朝恒指開市變幅唔大，望望隻S金單位價格亦都唔係有好大變幅，不過開市之後金價有問鼎每盎斯3500美元新高，所以S金到正式開市之後亦見單位價格上到2500元以上。

確實隻(16316)無set到目標價，不過見Slow STC(14.3)喺今朝9點50分兩線已經上到超買位，其實都已經可
以食糊。

而如果再持貨嘅話，日線圖上要留意嘅係Slow STC(14.3)兩線已經上到超買位，所以之後只能靠保歷加通道口保持拓闊，咁S金先至有條件再上。

望望鐘依家10點12分，作戰室個股輪證繼續嘅同時，見小時圖上10線終於追到上嚟，再加上保歷加頂線有見向上，兩線夾住指數再上應該都有機，唯一要小心嘅就係條Slow STC(14.3)已經上到太過超買啦，變相保歷加通道口一定要拓闊，咁指數先至有空間再上。

恒指牛(53807)，收回價25201點，同現價有約400點，安全，而槓桿亦有約50.2倍，夠做Day Trade，所以快嘅話換用五分鐘圖嘅Slow STC(14.3)做Swing，(53807)都夠槓桿同你做。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。