8月14日 10:34

【輪證贏家】恒指牛熊兩手準備

噚日恒指估唔到愈升愈有，過埋重貨熊區之後仲要比多成200幾點上，無捉指數亦無揀到貨，因為手上仲有隻前日嘅騰訊牛(63400)用嚟博業績。講明收市後會出，前日掟嘅噚日邊個位都收成都有正數。

至於作戰室嗰邊，因為下晝有事外出，不過喺中午收半場時都留低咗個message「keep住借五分鐘圖嘅保歷加頂<>10線嚟做Swing是可以的」，臨收市前半個鐘趁有少少時間再睇返，希望大家都靜靜地keep住好倉上到25600樓上。

噚晚半夜被啲雨聲整醒咗，掙扎緊起唔起身閂窗時，忽然醒起作戰室裏面有一位戰友係天文愛好者，佢噚日有提醒過今日有可能黑雨，我信佢，所以我起身閂窗。今朝一覺醒來，果然黑雨。

更黑嘅係騰訊(00700)今朝開市價見600大元...騰訊好倉噚日已經清晒，Miss咗今朝呢個裂口?!Bro, You are not alone；即刻諗起噚日同班老友食飯時先講到，人去到咁上下嘅年紀，就會開始覺得「夠就得架啦」，我唯有嘗試提早感受一下。

依家9點48分，真心作戰室係開咗淡倉做今日第一注，任性地喺高位出淡倉爽一爽，五分鐘圖10線+平底出現都唔再守落去都數住格仔走，怕且今日都比較難再嚟多一次好似噚日咁樣都大單邊。

10點打後見小時圖嗰樣高開低走+Slow STC(14.3)有見觸頂+保歷加底線橫行，一個高位轉向下嘅樣出晒嚟，的確我好想揀隻恒指熊(60578)出嚟，收回價26138點，企高於今日重貨熊26000至26099點，同現價有約471點，槓桿有約44.3倍，街貨又低又有啲成交，你睇佢幾靚仔。

但問題係五分鐘圖到依家為止都仲係喺10線上+25650至25700點呢50點玩緊上落。唯有Mark住指數向下穿得過10線先至出，所以，恒指牛(65318)，收回價24906點，同現價有約755點，槓桿有約31.3倍，你可能會問點解唔揀近啲呀?!嗱，近多100點都係有38槓桿，但你望吓粒街貨先講啦。

今日兩手準備做Swing，Keep Lock住五分鐘圖嘅10/20線，比較主打都向上行，鬼叫依家踩人主熊證街貨咩；淡倉係用嚟佢失線後向下借STC碌落超賣用嘅，得唔得?!唔得就入作戰室問我，掰~

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。