昨日 10:37

【輪證贏家】信藥牛博見多次紅底

噚日揀咗隻恒指熊(60578)同恒指牛(65318)出嚟，Mark住五分鐘圖條10線睇下穿定唔穿而決定出邊隻，因為都幾兩難，指數踩住熊證街貨區但小時圖嗰高開低走+觸頂樣，街貨VS技術分析出現，That's why兩手準備。

以Patreon出文後10分鐘作為睇文時間的話，則於10點30分後睇返個五分鐘圖，見當時指數都仲企住喺10線之上，不過準備掟貨出去時即刻見到指數向下過10線，咁即係出(60578)，而不是(65318)。

如常用10分鐘時間買貨嘅話，(60578)期內高低位(0.054/0.059)計，平均買入價為0.0565元。

對比小時圖計後見過小時圖10線，(60578)即日收割，如常用10分鐘時間沽貨(60578)期內高低位(0.078/0.064)計，平均沽貨價為0.071元。呢一趟平均即日收14.5格或25.66%。

作戰室裏面當然有大王大賊，偷嘅唔止係格仔，許願見返24000點；我簡單啲，一係小時圖10線，再過先再Hold；一係Day Trade收夠籌就算。

今朝恒指再比多個百幾點向下裂口出嚟，隻(60578)過咗夜嘅話，今朝收割就真係正；作戰室都有戰室Strong Hold淡倉，佢哋下望個價仲低，但安全地見都有叫大家拎定隻風箏出嚟。

呢期啲醫藥股間中上咗焦點股，其中信達生物(01801)同石藥(01093)有得秤，前者落一落到50線兼鬆一鬆條Slow STC(14.3)之後再上過；後者借住10線再創年內高位。比較之下，信達係靚仔啲。

最正嘅係呢兩隻嘢都已經被港交所(00388)納入為合資格發行牛熊證的正股名單中，啱啦，無引伸企遠啲，成件哥舒適晒。

依家9點43分，信達依家出逆市高走，小時圖上見暫時高位為98.2元，擺位上同噚日嘅高位相若，不過下方有條10線兼整條保歷加通道向上，只係少少擔心SLow STC(14.3)喺小時圖上面上得太盡，行Swing的話佢有機會借返98.x呢個頂線位落一落啫。

只要佢小時圖10線真心守得住嘅，信藥牛(65262)，收回價75元，同現價有成21.4元嘅距離，槓桿有約3.5倍，返去睇返啲Call行使價過100蚊嘅，槓桿都有2.幾到尾到3.幾到中，基本上唔係爭好遠，但出牛證嘅重點係唔駛受佢80%至95%(有隻98%添)引伸喎，係咪先?!你自己比較下啦。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。