今日 10:38
噚日揀咗隻恒指牛(60016)出嚟，先等五分鐘圖Slow STC(14.3)兩線回落到超賣位後，用返平時做Swing Trade方法出呢注牛。於上半場內已經可以完成呢一注，平均有22%正數，為11點打響頭炮。
今朝恒指再來高開，喺作戰室都有Plan定出好倉，唯甫開市後有見指數出齊上下影線，最後指數向下落到23350點位成功築底後向上高走，作戰室都係等佢方向行定時先到出好倉。
依家10點12分，指數暫時日內已經第三次撲上23500點但都係無功而回，喺五分鐘圖上仲有見到「三角形」物體，咁即係我可以專心打稿。
指數要等佢過隻「三角形」，咁就喺個股個邊玩吓先。見隻比亞迪(01211)今日叉好電跑出，日線圖上見股價都仲穿過條中軸線，Slow STC(14.3)觸底向上又保歷加通道橫行，好似有得玩。
借日線圖10線(約70.16元)做下方量度線的話，咁似依家最貼價嘅牛證收回價66元計，唔怕啦；再比多少少做緩衝位咁比迪牛(63669)，收回價65元，槓桿有約8.1倍，低街貨都好重要㗎。
不過，依家10點23分見比亞迪嘅五分鐘同小時圖SLow STC(14.3)都上到超買位，如果要搵一個相宜少少嘅位做買入嘅話，咁要比少少耐性去等返股價回落返去啲平均線位見支持，甚至見SLow STC(14.3)回落到超賣位出觸底先好出動啦。
最後，提返噚日如果有聽到Youtube而有跟到嘅，今日有兩隻貨基本上都已經到目標位，可以收割，就係嗰隻隻內銀嘅淡倉。自己注貨，自己處理啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
