今日 10:49
噚日揀咗兩隻恒指牛熊，皆因出文時都仲未知指數向邊一個方向走，所以做定兩手準備。
按策略，於11點5分見五分鐘圖指數有10/20線出阻力，恒指熊(68103)可以先行，用返平時做Swing嘅方法，一係指數落返去保歷加底線就停，一係Slow STC(14.3)兩線到超賣位就停，咁樣計因為借中軸見阻力出貨，所以呢一注都只用半層保歷加通道嚟做Swing Trade。呢注貨連Lunch都唔駛過就平均執4.5格或10.59%，補一補返噚日注瑞聲Call先。
同時間地喺五分鐘圖見Slow STC(14.3)兩線落到超賣位而捉觸底反彈出好倉嘅話亦都係可以，只不過係下半場例吽，要等到3點半打後先至有驚喜。
唔肯定咁玩嘅話會唔會揸到今日，因為喺噚日尾市時段已經見返五分鐘圖嘅Slow STC(14.3)上返去超買位，咁所以當平時完Swing Trade走勢嘅話，都真係會唔過夜。
依家其實已經10點21分，作戰室先好後淡兩注貨已經完成咗，而五分鐘圖嘅保歷加通道出返整條向上嘅通道樣，同時指數亦有似等中軸線上嚟咁款，所以戰友們都先收起正數格仔，再等佢比到反應之後先至再追過(係囉~佢哋都係做嘢先)
小時圖上都有啲尷尬，Slow STC(14.3)兩線向上但係有條100線喺做出阻力，有似前日高位嘅情況，但唔同嘅係Slow STC(14.3)比當時仲要低，而且勢頭都未變向下。
咁樣嘅圖...數返實數，依家10點28分見小時圖100線喺24318點，而恒指現價為24289點，同呢個位都好近。
如果11點打後小時圖update完之後有見100線都仲做到阻力嘅話，咁恒指熊(63929)，收回價24650點，同現價有374點距離，槓桿有約59.2倍，夠做Day Trade。
反過來如果係見到過線嘅話，咁恒指牛(67678)，收回價23900點，同現價有約375點，槓桿有約46.7倍，一樣都係以Day Trade為主，兼當順返小時圖嘅Slow STC(14.3)繼續上。
留意返下星期一(19日)係重陽紅日，所以如果你選擇持貨過週末嘅話，今次係要過三日嘅，所以自己衡量下啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
上一篇：輪證贏家丨做定兩手準備
