今日 10:57
噚日揀咗隻唔係Day Trade玩嘅瑞聲(02018)嘅Call(15944)，睇完文後出場嘅話，如果變陣做Day Trade咁都有格仔爬到。
但係，如果諗住煲佢老火湯嘅話，今日股價隨大市下行，失守36蚊個少少嘅平底線位；又再睇埋個小時圖有見佢今日Slow STC(14.3)喺超買位觸頂向下，或者噚日都真係應該走人。
算啦，有乜可能注注買親都贏先得㗎，不過呢一注暫時係今日個月嘅【月度報告】裏面輸得最金(雖然依家為止都仲正數中)，仲有半個月時間，唯有繼續努力(放心仲有隻【本周焦點個股】同喺作戰室嘅恒指Put補血嘅)。
10點後有見指數重新回落到24050點樓下，如果換個小時圖出嚟嘅話，其實係見到Slow STC(14.3)由超買位向下落到中軸水平，所以作戰室今日先硬追淡倉，目的係博小時圖Slow STC(14.3)接得住向下再落嗰條路；當然都有預計到會Swing走勢出現，但如果swing住向下嘅就無問題，唯一問題係五分鐘圖嘅Slow STC(14.3)好難由噚日超賣再超賣到今日，變相如果要接得住小時圖Slow STC(14.3)向下落嘅走勢，必先要等五分鐘圖出彈高是阻見好熊。
再嚟到依家10點10分，喺五分鐘圖上有見10線開始向下就到指數附近，同時保歷加整條已經向下走；再等多15分鐘見有指數出平底三角形，作戰室都係等緊指數比個方向出嚟。
如果再比埋街貨呢個因素落去嘅話，咁恒指熊(68103)，收回價24428點，同現價有約377點距離，槓桿有約58.7倍，為附近收回價中槓桿偏高及低街貨。但出場條件係指數於五分鐘圖上確認低走於10線先可以，因為都真係擔心五分鐘圖嘅Slow STC(14.3)會出觸底上，但過線的話咁彈高熊策略就會失效。
「萬一過線出唔到彈高熊咁點呀?!」咁咪恒指牛(66185)做順勢追上囉，收回價23678點，同現價都係有約379點距離，槓桿約46.3倍，又係附近收回價中槓桿偏高及低街貨。
因為等方向，所以兩手準備啦！
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
