今日 10:42
噚日揀咗隻恒指熊(57564)，借小時圖50線做上方量度線而出動的話，於下半場開市後有見指數再次低走小時圖50線，(57564)有位出場。
不過，指數向下落到小時圖10/20/150線後有即見下影線出現，去到2點打後情況都係一樣，50線雖然做到阻力，但下方有三線滙聚對淡倉都唔利好得去邊，喺3點打後有見指數第三次到小時圖10線但唔穿線就偷位走算啦。
今朝未開市未開U盤之前喺作戰室睇咗個牛熊證街貨圖，見到成堆貨坐住晒啲熊證嗰邊，睇嚟大家都買恒指升三日但三日都過唔到條20天線。
終於完U後開出個價係向上推高200幾點，將熊證重貨區收回嘅同時，及至開市後指數再輕輕推高到2580x點，收多一層街貨返嚟。
作戰室今日第一注係Plan住順U盤同街貨方向而出好倉，但一開市就出條上影線再變成高位十字星，所以好倉都即刻收一收(雖然最後都見指數上行但25800點企唔住，呢注好倉最後都係偷唔到啲乜)。
依家10點26分，作戰室已經喺指數於五分鐘圖上低走10線後做咗反手，下望五分鐘圖中軸/小時圖100線數住格仔先。
喺小時圖上換出保歷加通道則見通道口有收窄情況，Slow STC(14.3)兩線於超買範圍有見向下，作戰室手上嘅淡倉就係等睇小時圖100線過唔過到，過得到嘅話下望中軸線嘅同時，仲有一個8月12日嘅開市裂口有得補。
咁恒指熊(56844)。收回價26080點，同現價有約380點距離，槓桿有約54.7倍。
依家10點36分，五分鐘圖中軸/小時圖100線確認穿得到，先至出隻熊嚟追埋嗰半層Swing Trade，睇指數到保歷加底線先還是Slow STC(14.3)兩線到超賣位先啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
