今日 10:51
噚日揀咗隻恒指熊(56844)出嚟，但mark住指數要向下低走五分鐘圖中軸/小時圖100線，先至出隻(56844)；惜出文後正正指數借咗呢個位嚟抽底上，(56844)無咗出場資格。
睇返小時圖見條Slow STC(14.3)已經兩線出超買再超買都出咗兩日，計埋今日嘅話就已經係三日出超買再超買。噚日就Lock住25800點呢個位，今日(依家10點26分)就似乎Lock住咗喺25900點呢度。
「咁用小時圖做Swing嚟出淡倉，博Slow STC(14.3)出觸頂向下咪得囉。」你估我唔想但個市唔係咁行呀嘛，噚日指數喺上半場都叫做出咗個「圓底」嘅物體嚟借得到個五分鐘圖做Swing Trade，今日開波無耐好倉追上25900點見企唔穩，喺作戰室偷完50點之後已經畫得到個「平頂三角形」出嚟，再變到依家扭成「長方形」；更尷尬嘅係嚟到依家10點34分，五分鐘圖整條保歷加通道向上，係可以Mark住指數於保歷加頂線同10線之間運行，但係，如果咁行嘅話就代表25900點必須要企得到上去；順返「長方形」走就等同要穿返條10線向下。
呢啲位落注，一係極小注當買鋪大細，一係安全啲等到11點打後小時圖可以再比到多少少訊號先至出倉。
恒指熊(53615)，收回價26268點，同現價有約385點距離，槓桿有約55.1倍，純綷揀返平時作戰室會用到嘅距離嘅熊證啫。
我諗依家(10點45分)出得文再睇完之後，小時圖都應該可以firm到呢隻熊出唔出到㗎啦！
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
