今日 10:37

輪證贏家丨再來恒指熊追年內低位

噚日揀咗隻恒指熊(55595)出嚟，策略係借返5分鐘圖見反抽上10/20線唔過時先至出動；甚至用返Slow STC(14.3)上到超買位後見觸頂向下先至出都得，大膽地向下望住佢會唔會創年內新低。

喺下半場開市無耐，有見指數向下再壓低見24707點後出平底再上，真係同年內低位24703點爭4點咋！睇到都覺得「牙煙」；不過隨住之後有見Slow STC(14.3)觸底上，恒指熊(55595)當完成一趟Swing Trade計，呢一注平均都有4.14%。

噚日嘅下半場其實喺作戰室都有再追多次淡倉，不過指數回返上去244位置，以為年內低位2420x點呢個夠照啦；誰不知今朝起身開電視見到外圍跌到「fing ling fung lung」(拼到呢四個字我話你叻!)，月初喺作戰室揀嗰隻恒指Put若然守到依家嘅話，已經搵得返全年會費仲有剩；放心，喺呢度都有揀到出嚟嘅。

然而，噚日指數最低見過24207點，同3月嘅年內低位24203點只係爭4點；而日線圖上見指數亦都出咗低位「十字星」形態；疊多個月線圖嘅20月線接住，成個整樣都係有似出技術反彈，但更大嘅可能係要用「彈高熊」嘅策略。

指數今朝微跌27點之後見底開高走，依家9點49分，作戰室已經有戰友偷完牛再偷熊正數收工，而喺5分鐘圖上見指數暫時高位上到24492點，同前日嘅5分鐘圖開市裂口底24496點相約，上到之後見指數重新向下，果然係要出「彈高熊」。

嚟到依家9點57分，作戰室再追多次淡倉都收埋正數，至於我...嘿嘿，因為今日打完個策略出嚟之後個市已緀變咗，所以作戰室開餬嗰班友仔基本上都係一齊玩咗好耐、已經好熟悉技術分析，見到啲咩訊號出嚟，連我個策略都未出佢哋已經做晒嘢嘅；幾時都話自己學得識之後自己trade，點都好過跟number。

等到10點終於見到指數確認低走於10小時線之餘，仲要喺線上出「射擊之星」樣嘅嘢；anyway，條上影線已經話到比你知企唔住喺10小時線㗎啦，所以恒指熊(56222)，收回價24658點，同現價有約395點，為市場上最貼價熊之中最高槓桿，有約74.11倍，今日新上市所以未見街貨。

出淡嘅，要唔要再向今年低位再望多一次？

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。