今日 10:27
噚日揀咗隻恒指牛(62332)，計劃吼指數有靠近返小時圖10線見支持先出；或者用返五分鐘圖Slow STC(14.3)做Swing Trade。
喺11點10分時見到五分鐘圖Slow STC(14.3)兩線落到超賣位，咁啱亦都落到小時圖10線附近，兩個出倉條件重疊，落得場啦！而呢一注亦都揸到去下半場2點25分打後，皆因五分鐘圖Slow STC(14.3)兩線喺呢個鐘數開始出超買，再超買到3點半，(62332)呢段時間任何一個位走都可以，平均都有7格或18.67%正數落袋。
不過，論高興呢期都唔夠阿仙奴嘅球迷開心，應該一早飛晒去等睇巡遊；接住落嚟就到世界盃，球迷仲忙過炒友。
今朝恒指開市再向下跌88點，及至開市後五分鐘圖上見到嗰支陰燭直落到25599點，重新再威脅住堆重貨牛，其實都「合理」，見呢期美債同日債啲息率係咁上，個市唔冧先有問題，關鍵係點冧啫。
於日/美債息中，可能比較大多數人會關注美債利息，因為30年期公債殖利率突破5%；但唔好忌記，日本長期實施低利政策，吸引大量資金借日圓，買報酬更高的美元資產，形成規模龐大嘅「日圓套利交易」。
惟隨住日本公債殖利率上升，資金開始回流，呢類套利交易可能加速解除。Bingo！拆倉潮嘅危機再現，會唔會copy & paste番2024年8月個時嘅情況就未知，但今日條N225連60000點都失守啦喎。
依家10點5分，指數低開低走後依家有見回升，更一度上返今朝op位，但度過今朝開市位係25709點、喺五分鐘圖上嘅100線同150線擺位分別見25718點同25711點，再搭多個周線圖，10周線同50周線分別係25719點同25717點。
睇到未?!喺2571x點呢個位喺唔同時軸嘅圖都有線擺咗喺度，要過唔係咁容易，尤其是週線圖，依家都仲係喺保歷下通道。
恒指Put(26468)，行使價24378點，同現價有約4.96%價外距離，係有近少少嘅行使價但得到期日比較近，擔心會受到時間值影線。呢隻有約12.05倍槓桿，低街貨、引伸適中。
如果用2571x點嚟做上方量度線嘅話，咁呢隻Put就係向下殺到落到25200至25299點嘅重貨牛證，所以唔係Day Trade嘢；就睇吓今次債息升會唔會打開股市嘅地獄之門啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
