今日 10:24
噚日揀咗隻恒指Put(26468)，唔係Day Trade嘅，係用周線圖10/50周線約2571x點嚟做上方量度線，睇吓指數會唔會向下殺到落去重貨牛25200至25299點；借嘅係美日債屢創新高為股市帶來下行壓力。
以噚日全日指數都無上過2571x點嘅上方量度線計而出隻(26468)的話，即Patreon出文後再如常用10分鐘後睇文到收市前，任何一個位都出得倉。
今朝起身睇新聞見話債息回落，美股三大指數又回升返，依家9點13分，見到期貨升緊200幾點，慘啦慘啦，噚日隻(26468)要捱啦，一陣睇吓開乜再作決定；就咁最單純用周線圖去睇嘅話，20周線喺26096點，如果咬緊啲用26000點做上方量度線先，只不過如果今日指數係高開高走上去...我諗25200至25299點嘅重貨牛都應該今日會進行收割。
今朝恒指開市報25833點，升18x點，不過甫開市指數即見低走到落五分鐘圖嘅150線後再出下影線反抽上去，仲有10分鐘就10點，Chok到嘔白泡之下指數依家反抽到上今朝開市位，不過未穿得到，作戰室亦都只係等佢出到一個比較定嘅方向後，先至再出倉。
等到依家10點6分，見指數喺五分鐘圖出咗「平頂三角形」，確實見到任何一款「三角形」都唔開胃，所以今日或者都係休息一日就算啦；方向未明亦無謂硬出倉。
至於隻(26468)，Set好止蝕盤無死嘅。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
