今日 10:22

輪證贏家丨恒指熊繼續殺重貨牛

上個星期五揀咗隻恒指熊(57835)出嚟，見出文後指數仍然低走於五分鐘圖10線，進取mode的話可以偷呢個位出場，目標如上個星期嘅大題一樣：向重貨牛出發！還好下半場返嚟有見指數再落，穿26000點時清恒指熊(57835)當然無問題啦，平均呢注35%正數袋袋平安；驚喜嘅係指數之後有再向下壓到入258XX點，連25900至25999嘅第三層過千張期指街貨牛都清埋，目標為本嘅話都已經很不錯。

但如果選擇安全mode，即用返五分鐘圖嘅Slow STC(14.3)觸頂向下先至出動嘅話，就變相要等到3點15分先至先見到，如果呢個位先至掟貨出去嘅話，咁就預咗要過Weekend啦。

依家9點12分，作戰室已經睇返晒啲街貨圖、走勢圖，數同量度線等開市，計返條數原來由上個星期四(5月14日)嘅高位同上星期五(15日)嘅低位計，兩日冧咗成千點咁滯。但喺牛熊證街貨圖上見，牛熊今日比例係7:3，仲要近牛有過千張期指街貨層數有成五層，以今朝開市價25838點計，即第一層25800至25899點嘅得返38點生命直，呢層已經係有過千張期指街貨，作戰室淡倉再追落到依家只係9點36分，牛證首兩層街貨都已經清埋。

開市搶淡倉追落真係要直價出唔好排，同步畫住嘅日線圖50線再向下仲有一個位有得拉線嘅，就係4月8日嘅裂口位。

依家9點45分，暫時指數都真係落到2566x點呢個位喺五分鐘圖上築咗底，但望住呢個街貨圖，即使唔望佢可以補得到呢個裂口，但256同255嘅重貨熊...。

明白出淡倉再追落嘅吸引，但就嚟10點啦，五分鐘嘅保歷加通道開始轉方向，指數同Slow STC(14.3)都要變行Swing。

恒指熊(58253)，收回價26350點，同現價有約670點，坦白講指數咁樣向下行，暫時都未見有近熊出現，呢隻已經係市場第三隻貼價熊，槓桿有約30.9倍，亦都係市場上最高槓桿嘅熊。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。