今日 10:34
噚日揀咗隻恒指熊(69036)出嚟，偏向出淡倉係因為指數一開就見低走，以平時做Swing Trade方法去做嘅話，呢一注持貨大約半小時多少少已經平均有7格或11.2%正回報。
如果呢注貨一注揸到收市前先走，見指數高開低走到升轉跌，嘿，我諗你唔止話佢廢，亦都唔好怪人點解彈高就熊。
今朝起身睇隔晚美股表現，其中納指同標指又嚟創新高，至於港股都只係微升1點，作戰室未有Plan定出乜，因為呢口開市價都唔知點Plan好，不過都有Mark住淡倉方向，除咗係靠小時圖之外，更重要嘅係第二層牛證街貨，即26200至26299點呢一層已經儲咗上過千張期指街貨，如果今日只係向下落百零點殺呢一層嘅話，之後已經可以躺平等4點。
九點搭九都未到，指數已經將首兩層牛證街貨全數收回，夾都已經有逾2000張期指街貨，作戰室注淡倉都開始出風箏策略(睇手上注貨啦，人人唔同嘅)，向下型追落去嘅話，26000至26099點呢層重貨區應該係最吸睛。
仲有8分鐘就到10點，小時圖上率先見指數向下落到100線，保歷加通道口亦都被佢推返闊，有似比到條件Slow STC(14.3)出超賣再超賣，但拉返近少少用五分鐘圖則開始見指數今朝嘅低走咗半嗰鐘都差不多要收工，作戰室淡倉亦已經完成。
承指數目前擺位仍然靠近牛證街貨層，變相向下再落嘅吸引力較大，所以恒指熊(57835)。收回價26550點，同現價有約320點距離，槓桿有約50.4倍，今日新上市所以無街貨，追指數向下再落殺重牛。
但依家唔係一個靚嘅追淡倉嘅位，進取嘅五分鐘圖10線/20線唔過，指數重新向下再落先至出動；要小心隨時會出現嘅觸底上；安全做法用返五分鐘圖嘅Slow STC(14.3)觸頂向下先至出動囉。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
