昨日 10:43
噚日揀咗隻恒指牛(55143)出嚟，一係見五分鐘圖啲平均線接得住嘅，就進取mode出倉；但如果係見穿線向下嘅話，咁就用返平時Slow STC(14.3)觸底上行嗰隻Swing Trade方法；估唔到嘅係指數噚日咁升得。
仲要呢道氣延至今日，指數升104點開市，推到上259水平，作戰室今朝完U同正式開市嗰10分鐘內定好開市後策略，就係搶好倉。
一搶就搶到依家9點57分，指數升幅擴大至升333點，報26167點，熊證首三層都已經被收回，依家踩住嘅26100至26199點呢一層都有逾700幾張期指街貨；10點後恒指狂風掃落葉方式都已經清埋。
作戰室啲好倉都開始清得七七八八，最多都係留意返條風箏尾喺度等睇指數放飛到邊。換個日線圖出嚟見指數上破咗個「平底三角形」頂線，上方20線有過但下一關就見100線約26305點，亦都係重貨熊嘅入口位。
再嚟到10點13分，開始有見五分鐘圖嘅保歷加通道轉樣，指數同Slow STC(14.3)兩線都有似想出觸頂向下嘅走勢，呢個時侯開始要留意返條10線位，如果想再hold好倉嘅話，咁就要指數借得住10線企好再上行，即lock住保歷加頂線同10線之間運行。
恒指牛(58126)，收回價25738點，同現價有約500點距離，槓桿有約50.33倍，即使用五分鐘圖Slow STC(14.3)做一趟觸底上行嘅Swing Trade都夠做，依家比較關鍵嘅就係睇指數踩返住五分鐘圖10線嘅話，仲接唔接得住啫。
「點解唔出淡倉先捉觸頂向下?!」主因係如果指數要再殺街貨嘅話，咁有機會回氣時落到線位企得到出現一下抽高嗰個力度比向下回返Slow STC(14.3)到超賣位更快更強；當然啦，見指數今朝出完單邊行返定之後，做返普通Swing Trade係可以嘅，都係嗰句：留意線位。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。 版權所有。
