昨日 10:15
噚日揀咗隻恒指牛(58126)出嚟，諗住借五分鐘圖10線企住而出動嘅，但可惜等到10點35分時指數落同五分鐘圖10線相遇後即向下走，(58126)無位出。
還好無位出，皆因作戰室喺五分鐘圖上見向下失守中軸後一直出淡倉出到收市咁滯，3點未到冚村人去晒下午茶，直接等收市。
噚日都有畫到個日線圖上出現嘅「平底三角形」向上突破咗，但指數低走之後，以噚日收市價計，指數仍然叫做喺「平底三角形」上面，只係貼返住條頂線啫。
再睇埋個牛熊證街貨圖，以指數點數計係比較靠近下方牛證，不過熊證又再儲多一層過千張期指街貨出嚟，只不過係要上去殺熊的話，今日指數最低限度都要上到26200點。
早幾日咪睇過隻中海油(00883)嘅，咪話如果用日線守耐少少嘅話，就等返股價回落到去日線圖10線之後，有見企穩就推出去嘅。依家9點42分，恒指玩緊燈掣，轉向個股呢期梗係睇番啲油股啦，剛好就係見到中海油股價回到落去10天線水平。
換小時圖上見中海油股價今日再次落到50線位置，未知企唔企得穩但係有見落到保歷加底線；好似有得接住咁。
只不過同時亦都有見到10線向下，Slow STC(14.3)兩線亦都未有出觸底樣。坦白講要小時圖同日線圖都出同一個訊號往同一個方向走，都真係要撞手神。
借日線圖10線做下方量度線嘅話，咁收回價個位要擺低於10線以下，海油牛(57784)，收回價27元，比10天線低個幾，槓桿有約15.54倍，唔急於出文後就要出貨，因為呢個係借10天線嚟做支持，唔係平時用五分鐘圖捉Swing Trade，所以係有時間去等，至少等小時圖10/20線反方向上破先啦。
今朝指數玩燈掣都玩咗成半個鐘，如果見中海油都無乜反應嘅話，睇多次恒指出唔出到方向，見到有方向先至好追。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
