今日 10:32
噚日揀咗隻恒指熊(67110)出嚟再追多次，今次都真係純綷望住啲街貨嚟打，再出(67110)係因為佢已經係最貼價嘅熊證。上半場未完已經見指數穿25000點，250天線到目標為本(67110)可以先收割；當然你亦都可以出風箏策略，留少少注睇下指數可以自由落體到邊啦。
噚日指數如大題所指落到去250線後，全日收市計指數於250線上出「錘頭」，怪不得今日返嚟見第一至第四層牛證街貨夾埋有約5000至6000張期指街貨，當中喺24800至24899點更見有逾2000張期指街貨，更為重牛區。
少少兩難位因為又係技術分析 VS 街貨，技術分析如上文所講啦，街貨睇個圖都明晒啦，所以到依家9點52分見指數喺高位橫行住，動作快嘅戰室來回食100點樓下嘅單燭Swing「掃格仔」；慢嘅就等緊五分鐘圖10線上到指數前係會變成支持還是用嚟穿過。
終於10點後有見指數係借住五分鐘圖10線向上走，作戰室終於出到一注係可以坐得耐少少架啦。
恒指牛(55569)，收回價24950點，同現價有約560點距離，槓桿有約41.8倍，即使用嚟做Swing Trade一趟都夠用。
依家10點19分，作戰室係喺今朝等到指數同10線靠近見支持而出好倉嘅；留意到你睇完文之後，留意保歷加整條是否仍然向上運行，指數是否用保歷加頂線同10線呢兩條線夾住自己上，係見到嘅話咁先吼10線嚟出隻好倉。
但如果10線失守嘅話，退至用20線做量度線可以；甚至重新等返Slow STC(14.3)見觸底上行先至出呢注好倉啦；始終都要小心下面啲牛真係好重。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
