今日 10:34
噚日揀咗隻恒指熊(67110)出嚟，都唔係即刻出嘅，因為出文時都有講過當時五分鐘圖Slow STC(14.3)兩線都落到超賣位，再迫指數下行就要靠保歷加通道口拓闊，所以換返平時嘅Swing Trade做淡倉都可以；還好上半場呢一注淡倉都做到一趟Swing Trade，平均仲有20%正數落袋添。
噚日都有新聞出晒話呢場戰爭最少都打幾個星期，而前日亦都有揀咗海油好倉出嚟，如噚日已經見好即收嘅，正數無問題啦；而Hold到依家嘅話，咁就真係要留意住油價同股市嘅走勢，因為即使油價造好，但佢哋始終都係個股，點都會受市場氣氛影響，所以被拉低都唔出奇。
依家9點18分，睇住期貨都跌多300點，而今朝8點半先同作戰室嘅戰友睇咗個街貨圖，仍然見到一大堆資金博反彈企喺牛證街貨層，喺256/255/254/253呢四層算是最重貨，每層都有900至過千張期指街貨。當然重貨區亦都喺裏面啦。喺恐慌情緒仲未散開之前，確實係有啲擔心呢四層貨。
日線圖上見噚日指數都已經失守150線，終於都要換返條250線aka牛熊分界線出嚟去睇指數；同步喺作戰室用埋黃金比率重新睇多一次恒指下方量度線仲有啲乜。
睇咗250線先啦，皆因呢個位今日見喺25011點呢個位。即使今日指數向下殺埋嗰四層重貨牛嘅話，向下再堆落去25000點樓下有見又嚟四五層600至800幾張期指街貨嘅牛證喺度，但今次用25000點嚟做盾，好歹都叫做一個齊頭位，即殺都應該都停一停先嘅。
但係，唔等於依家要擺隻收回價25000點或以下嘅恒指牛出嚟，當佢再變成重貨而指數一直向下插到熊證都追唔到咁貼之下，咁被殺嘅任務就會繼續喺牛證身上。
前人教落：順勢而行，跌市容易升市難，所以噚日隻(67110)繼續啦，因為今日嘅熊最貼收回價都係26382點，而(67110)槓桿有見33.5倍，比噚日少咗因為指數同現價距離遠咗，低街貨都仲係佢賣點。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
上一篇：輪證贏家丨恒指熊往街貨方向打
